?!
kenneter ds gfüehl, jede momänt müesi irgendwo es “versteckti kamera” schild fürecho? i ha so chli ds gfüehl ds läbe verarschimi im momänt gad ändlos… i läschtere hie jetz mal ab über mis läbe, über mini mitmensche, über mi job, übr als! fuck off, s isch gad brutal nötig!!
was dänkt öper, wo e “liebe ist..:” advendskalender bechunt und sech när 4 tag nid bim absänder mäudet?! weisch wie fröid häti a somene gschenk? wo doch söu zeige dasme öpper gärn het, wo doch söll ermuntere jede tag a eim ds dänke weme scho jede tag sones schiss töörli cha uftue wo vlich sogar irgendwelchi tips drin stöh wieme em andere chönt zeige dasmene gärn het?! henne hugo, i finds ächt ungloublech!!! zudäm het dr empfänger sithär öppe 3 sms becho u wird flissig im msn agsproche, aber jap! so füehltmesech wohl weme mitere wand kommuniziert…
usserdäm: so sehr dasi mi job o liebe, u so sehr dasi o froh bi no bis dez. 09 i dere bude ds schaffe, i ha immer meh ds gfüehl dasi irgendwenn es attentat usüebe wo gwüssi lüt vernichtet wärde… hmpf! mittwuch hei mir “schwöschtere” abgmacht di neue dienschte uf ds teile, de hani er kollegin vorem ga gseit me gsächsech dämfall am mitwuch mit 09 agenda. u was chunt retour? “i has scho im griff schwöschter, i ha mini agenda geng drbi!” so im sinn vo: cha doch nüt drfür das du ds doof bisch dini agenda dehei ds lah für ga ds schaffe! thx… da füehltmesech halt de scho gad mau e momänt rächt blöd… aber äbe: i bi dr tubel vom dienscht, i bi geng tschuld und i bi drfür bestimmt nur kritisiert ds wärde. jawooohl! und wehe i mache mau ds muul uf und wet o mal was säge: schlussäntlech bi ig di blödi… henu
haha… u i bi wohl o di einzigi wo bim loufe sms schribt ( eis vo dene drü äbe erwähnte…) und när ine riise pfütze tschaupet u e nasse fuess het… grr! was schief gehen kann geht schief, murphy’s law odr so…. =S